Sunday, July 27, 2014

တရုတ်နိုင်ငံသို့ အညာဆန်များ အဓိကတင်ပို့နေ


ဆန်ဂိုဒေါင်တစ်ခုတွင် တွေ့ရသည့် ဆန်အိတ်များ ဓာတ်ပုံ − ဂျေမောင်မောင်(အမရပူရ)
 ပြည်တွင်း၌ ဆန်ဈေး ဆက်တိုက် မြင့်တက်လာသော် လည်း တရုတ်ကုန်သည်များက ဈေးတိုးမပေးသဖြင့် မြန်မာပြည် အလယ်ပိုင်း (အညာဒေသ) မှဆန်များကိုသာ အဓိကထား တင်ပို့နေရကြောင်း မူဆယ် ဆန်စပါးလုပ်ငန်းအသင်းမှ  သတင်းရရှိသည်။
‘‘အောက်ပိုင်းကဆန်တွေက ပြည်တွင်းမှာဈေးအရမ်းကြီးနေ တော့ မပို့နိုင်တော့ဘူး။ အလယ် ပိုင်းက  နွေဆန်တွေပဲ  အဓိက ရောင်းနေရတယ်’’ဟု မူဆယ်ဆန် စပါးအသင်းမှ ဆန်ကုန်သည် ဦးမင်းသိန်းကပြောသည်။
ဧရာဝတီ၊ ပဲခူး၊ ရန်ကုန်တိုင်းဒေသကြီးမှ ဆန်များမှာ ပြည်တွင်းဈေးကွက်တွင် ဝယ်လိုအား ကောင်းကာ ဈေးဆက်တိုက်မြင့် တက်လာပြီး တရုတ်ဈေးကွက်မှ ပေးသောဈေးနှုန်းထက်ပိုများနေ သည်။
ပြည်တွင်း ဈေးကွက်တွင် ဆန်ကြမ်း ရှယ်တစ်အိတ်လျှင် ကျပ် ၁၉,၀၀၀ ဝန်းကျင်ရှိနေကြောင်း ပြည်ပသို့ဆန်တင်ပို့နေ သော လုပ်ငန်းရှင်ဦးမျိုးသူရအေး ကပြောသည်။
လက်ရှိ မူဆယ်သို့ဝင်ရောက် နေသောဆန်းများမှာ ရွှေဘို၊ မတ္တ ရာစသောမန္တလေးတစ်ဝိုက်နှင့် မကွေး၊ မင်းဘူး၊ ပွင့်ဖြူဘက်မှ ဆန်များဖြစ်ကြောင်း မူဆယ်ဆန် ကုန်သည်များကပြောသည်။
မူဆယ်သို့နေ့စဉ်ဆန်အဝင်မှာ အိတ်ရေလေးသောင်းဝန်းကျင်ရှိ သော်လည်း တရုတ်နိုင်ငံသို့ ရောင်းချရသောပမာဏမှာ အိတ် ရေ နှစ်သောင်းဝန်းကျင်သာ ရှိ သည်။
ဇူလိုင် ၂၀ ရက်မှစတင်၍ မူဆယ်တွင် မိုးဆက်တိုက်ရွာပြီး လေးရက်ကြာရေကြီးမှုကြောင့် ဈေးကွက်မဖွင့်ရသဖြင့် ဂိုဒေါင်တွင်ထားစရာမရှိအောင် ဆန်အိတ်များစုပုံနေခဲ့သည်။ ဂိုဒေါင်များတွင် ဆန်များပြည့်နေသဖြင့် ကားများပေါ်တွင်သာ  ညအိပ် ကြေးပေး၍ ထားရသည်ဟု သိရသည်။
မူဆယ်တွင် မိုးဆက်တိုက် ရွာသွန်းမှုကြောင့် တရုတ်နိုင်ငံသို့ ဆန်ရောင်းချမှုကို လေးရက်ခန့် ရပ်နားခဲ့ရပြီး လက်ရှိအချိန်တွင် တရုတ်နိုင်ငံက ပြန်ဝယ်လာသော် လည်း ဆန်ဂိုဒေါင်များမှာ လျော့ နည်းမှုမရှိပေ။
မူဆယ်ဈေးကွက်တွင် မြန်မာဆန်ဈေးမှာ တည်ငြိမ်နေပြီး အမြင့်ဆုံး ဆန်ဈေး တစ်အိတ်လျှင် ၁၅၄ ယွမ်မှ ၁၅၈ ယွမ်ကြားဈေးရှိကြောင်း သတင်းရရှိသည်။
7days

0 comments:

Post a Comment