နိုင်ငံတော် သမ္မတထံ ပေးပို့မယ့် သ၀ဏ်လွှာကို ပြည်ထောင်စု လွှတ်တော်နာယက သူရဦးရွှေမန်းက ဒီနေ့ ပြည်ထောင်စု လွှတ်တော်မှာ ဖတ်ကြား တင်ပြ ခဲ့ပါတယ်။
"သတင်းမီဒီယာတချို့ရဲ့ လက်ရှိဖြစ်စဉ်ဖြစ်ရပ်များနဲ့ ပတ်သက်ပြီး မြန်မာနိုင်ငံ စာနယ်ဇင်းကောင်စီ(ယာယီ)နဲ့ စာနယ်ဇင်း သတင်းမီဒီယာသမားများ အသီးသီးတင်ပြလာမှုများကို လွှတ်တော်အနေဖြင့်လည်း အလေးထား စဉ်းစားသုံးသပ်ဆောင်ရွက်ရန် လိုအပ်သကဲ့သို့ ပြည်ထောင်စုအစိုးရအဖွဲ့အနေဖြင့်လည်း စဉ်းစားဆောင်ရွက်ပေးမည်ဟု ယုံကြည်ပါတယ်၊ ထိုသို့ စဉ်းစားဆောင်ရွက်ပေးမှုကို အချိန်မီရှင်းလင်းဖော်ပြခြင်းအားဖြင့် သက်ဆိုင်ရာအဖွဲ့အစည်းများရဲ့ စိုးရိမ်စိတ်များပြေပျောက်ပြီး အထင်အမြင်လွဲမှားမှုများလည်း လျော့နည်းပပျောက်ပြီး ဒီမိုကရေစီ ပြုပြင်ပြောင်းလဲရေးလုပ်ငန်းစဉ်များ ပိုမိုအဆင်ပြေချောမွေနိုင်မည်ဟု စသဖြင့် သုံးသပ်ဆောင်ရွက်နိုင်ပါရန် ပေးပို့အပ်ပါသည်"
ဒါ့အပြင် လက်ရှိအချိန်မှာ သတင်းမီဒီယာကဏ္ဍကို စတုတ္ထမဏ္ဍိုင်အဖြစ် သတ်မှတ်နေရာပေးထားချိန်မှာ အတွေ့အကြုံနုနယ်ပြီး လုပ်ကိုင်ဆောင်ရွက်လိုစိတ် ပြင်းထန်တဲ့အတွက် လွန်ကဲတဲ့ရေးသားမှုတွေရှိနိုင်ကြောင်းနဲ့ ပြည်ထောင်စုအစိုးရအနေနဲ့ စိတ်ရှည်သည်းခံဖို့ လိုအပ်ကြောင်း သူရဦးရွှေမန်းက ပေးပို့တဲ့သ၀ဏ်လွှာမှာ ပါရှိပါတယ်။
လက်ရှိမှာ နိုင်ငံတော်လျှို့ဝှက်ပေါက်ကြားမှု ဥပဒေနဲ့ ယူနတီဂျာနယ် အမှုဆောင်အရာရှိချုပ်နဲ့ သတင်းထောက် ၄ဦးကို ထောင်ဒဏ် ၁၀နှစ်စီ ချမှတ်ထားပြီး မွန်းတည့်နေဂျာနယ် အယ်ဒီတာ ၄ ဦး၊ သတင်းထောက် ၁ ဦးနဲ့ ထုတ်ဝေသူတို့ကိုလည်း ဖမ်းဆီးထားပါတယ်။
ဒါ့အပြင် မြန်မာငြိမ်းချမ်းရေးစင်တာရှေ့မှာ နိုင်ငံတော်သမ္မတကို မီဒီယာဖိနှိပ်မှုရပ်ဆိုတဲ့ စာတန်းပါ အင်္ကျီဆင်တူဝတ်ဆင်ပြီး ဆန္ဒပြခဲ့တဲ့ သတင်းထောက်တချို့ကို ပုဒ်မ ၁၈ နဲ့ တရားစွဲမယ်လို့လည်း သိရပါတယ်။
RFA Burmese
https://www.facebook.com/pages/RFA-Burmese/39218993127?fref=nf
0 comments:
Post a Comment