Written by မြင့်မြင့်စိုး
အလှမယ် ဇွန်သံစဉ်သည် Miss Universe Myanmar 2014 ပြိုင်ပွဲဆုကို ပရိသတ်များက ရရှိမည် အများက သုံးသပ်ကြသော်လည်း Miss Famous ဆုကိုသာရရှိခဲ့သည်။ ယင်းဆုကို ချီးမြင့်ရန်အတွက်ဆန်ခါတင် အဆင့်ဆင့် ရွေးချယ်ရာတွင် ကြည့်ရှုသူပရိသတ်များ အသည်းယားစဖွယ် ဖြစ်ခဲ့ရပြီးထင်ကြေးများဖြင့် လွဲချော်ခဲ့လေသည်။
” ပရိသတ်တွေ အားပေးမှု အများဆုံးရခဲ့တယ်။ ပရိသတ်တွေကလည်း ညီမနာမည်ကို အော်ပြီးတော့ကို အားပေးခဲ့တာ ပရိသတ်တွေ ပေးတာနဲ့တင် အရမ်းပျော်ခဲ့ရပါတယ်။ ပရိသတ်တွေပေးတဲ့ဆုနဲ့ အရမ်းပျော်ပါတယ်။ ” ဟု ဇွန်သံစဉ်က၎င်း၏ ခံစားမှုကို ထုတ်ဖော်ပြောဆိုခဲ့သည်။ ဇွန်သံစဉ်သည် Miss Universe Myanmar 2014 ဆုကိုရရှိနိုင်ရန်ကြိုးစားခဲ့သော်လည်း လွဲချော်ခဲ့ရခြင်းနှင့် ပတ်သက်ပြီး ” အသက်အရွယ်အားဖြင့် ငယ်သေးတယ်။ အဲဒီအတွက်အတွေ့အကြုံကလည်း မရှိသေးတော့ ဆုလွဲချော်သွားတဲ့ အတွက် ပရိသတ်တွေကို အရမ်းအားနာမိတယ်။ ပရိသတ်တွေက အရမ်းမှန်းထားတယ်။ ဖြစ်စေချင် ကြတယ်။ ပရိသတ်တွေ ထင်ထားတဲ့ အတိုင်းမဖြစ်လာတော့ ပရိသတ်တွေအတွက် အရမ်းအားနာတယ်။ သနားမိတယ်။ ညီမကို ဆက်ပြီးအားပေးကြပါဦးလို့ အသက်အရွယ်အားဖြင့် ညီမကငယ်တယ်။ ငယ်တော့အတွေ့အကြုံတွေက နုနယ်လို့ လွဲချော်ခဲ့တယ်လို့ ထင်ပါတယ်။” ဟုပြောသည်။
Miss Universe Myanmar ပြိုင်ပွဲသည် ပြိုင်ပွဲကောင်းတစ်ခုဖြစ်ပြီး MissUniverse Myanmar Orgazination မှ သင်တန်းဆရာများကလည်း ပြိုင်ပွဲဝင်များကို သေချာစွာ လေ့ကျင့်သင်ကြားပေးခဲ့သည်ဟု ဇွန်သံစဉ်ကပြောသည်။ အဆိုပါရွေးချယ်ပွဲတွင် Miss Universe Myanmar ဆန်ခါတင်အလှမယ်၂ဝ ဦးထဲမှ အဆင့်ဆင့်ရွေးချယ်ခဲ့ခြင်းဖြစ်ပြီး အကဲဖြတ်ဒိုင်လူကြီးများအဖြစ် မစ္စဆရီမန်၊ မစ္စတာဆာရောင်း၊ဒေါ်ကလျာပြည့်ဝေလျှံ၊ ဒေါက်တာအိသန္တာကျော်၊ အကယ်ဒမီရန်အောင်၊ မိုးဟေကိုတို့က ပါဝင်ဆောင်ရွက်ခဲ့ကြသည်။
လက်ရှိတွင် ဇွန်သံစဉ်သည် ယဉ်ကျေးမှုတက္ကသိုလ်အတွက် ရိုက်ကူးသည့် ဇာတ်လမ်းတွင် ပါဝင်သရုပ်ဆောင်လျက်ရှိပြီး Miss Universe Myanmar ပြိုင်ပွဲ ဝင်ရောက်ယှဉ်ပြိုင်နိုင်ရန် အတွက် ဇာတ်ကားရိုက်ကူးမှုများကို
ရပ်နားထားခြင်း ဖြစ်ပြီး ဇူလိုင် ၂၈ ရက်မှ စတင်ကာ ဇာတ်ကားများ ပြန်လည်ရိုက်ကူးသွားမည်ဟု ဆိုသည်။
Mizzima
ှုImage: Irrawaddy
0 comments:
Post a Comment