တာချီလိတ်မြို့ ဝမ်ကောင်းရပ်ကွက်က သရက်တောဘုန်းကြီးကျောင်းအနီးမှာ နေထိုင်တဲ့ ငါးခန်းတွဲ အဆောက်အဦးပေါ်ကို မြေပြိုကျပြီး သေဆုံးခဲ့ကြတာနဲ့ ပတ်သက်လို့ တာချီလိတ်မြို့ခံတစ်ဦးဖြစ်တဲ့ ကိုငယ် က RFA ကို ပြောပါတယ်။
“ညကမိုးတအားရွာလို့ မြေကြီးပြိုပြီးတော့ အိပ်ခန်းငါးခန်းရှိတဲ့ ၅ ခန်းတွဲ အိမ်လေးကိုပြိုကျတာ မြေကြီးက ဒသမ၀ိဟာရကျောင်းတိုက် အတက်လေးက အဲ့ငါးခန်းတွဲမှာ သူက တောင်နဲ့ မြေကမ်းပါးရံနဲ့ ကပ်နေတဲ့ နှစ်ခန်းက နှစ်မိသားစုလုံး ခုနှစ်ယောက်ပေါ့ သေဆုံးသွားတယ်လေ။ လင်မယားနှစ်ယောက်နဲ့ ကလေးနှစ်ယောက်က တစ်စုံတွဲ၊ လင်မယားနှစ်ယောက်နဲ့ ကလေးသေးသေးလေး အူဝဲလေးနဲ့ကတစ်ယောက် အားလုံးပေါင်း ခုနှစ်ယောက် နှစ်မိသားစုပေါ့"
မြေပြိုမှုကြောင့် သေဆုံးသွားသူတွေထဲမှာ အသက် ၈ လသားအရွယ် ခလေးငယ်တစ်ယောက်ပါဝင်ပြီး သူတို့အားလုံးကို သဂြိုလ်နိုင်ဖို့အတွက် တာချီလိတ်မြို့ မဟာမြတ်မုနိဘုန်းတော်ကြီးကျောင်းမှာ ခေတ္တပို့ထားတယ်လို့လည်း သိရပါတယ်။
ဒီကိစ္စနဲ့ပတ်သက်ပြီး တာချီလိတ်မြို့နယ် ရဲစခန်းကို ဆက်သွယ်မေးမြန်းရာ စခန်းမှူး ကျော်သန်းက RFA ကုို အတည်ပြုပြောပြပါတယ်။
“သေဆုံးသွားတာတော့ ခုနှစ်ယောက် မိသားစု နှစ်စုခင်ဗျ၊ ဒဏ်ရာရတာတော့ မရှိဘူး၊ တစ်စုက လေးယောက် တစ်စုက သုံးယောက်ပေါ့။ သူတို့က အုတ်တံတိုင်းကာထားတာပေါ့  မိုးတွေက အဆက်မပြတ် ဒီမှာရွာတဲ့အခါကြတော့ ပိတ်ပိပြီးတော့မှ အဲ့ဒီ အုတ်တံတိုင်းကပြိုတာ ပြိုတော့အိမ်နှစ်လုံးပေါ် ပိသွားတာ ဒါပါပဲ၊ ကျနော်တို့ ရဲစခန်းကတော့ သေမှုသေခင်းဖွင့်ပြီးတော့ လုပ်ထားတာပေါ့"
တာချီလိတ်မြို့မှာ မိုးသည်းထန်စွာရွာသွန်းပြီး မြေပြိုမှုကြောင့် အခုလို သေဆုံးတာမျိုး မကြုံခဲ့ဘူးပဲ အခုတစ်ကြိမ်ဟာ ပထမဆုံးဖြစ်တယ်လို့လည်း သိရပါတယ်။
RFA Burmese
https://www.facebook.com/pages/RFA-Burmese/39218993127
0 comments:
Post a Comment