ဓမ္မစေတီခေါင်းလောင်း ရှာပုံတော်

ဓမ္မစေတီခေါင်းလောင်းရှာဖွေနေသည့် လုပ်ငန်းခွင်ကို သြဂုတ် ၁၃ ရက်က တွေ့ရစဉ် (ဓာတ်ပုံ - နစ်ကီ)

‘‘လှေစီးလို့ရတယ်။ အသွား အပြန် တစ်ထောင်’’

မြစ်ပြင်ကို ကြည့်ငေးနေ သော ကမ်းစပ်ရှိ လူအုပ်စုအနီးသို့တိုးကပ်လာကာ ကလေးငယ်တစ် သိုက် တစာစာ အော်ပြောနေခြင်းဖြစ်သည်။

ကမ်းစပ်မှ မှုန်ပျပျသာမြင်ရ သည့် ရန်ကုန်မြစ်ရေပြင်တွင် ရပ် တန့်နေသော သင်္ဘောတစ်စီးကို လက်ညှိုးထိုးပြနေသည့် ကလေး တစ်သိုက်ဖြစ်သည်။ ဓမ္မစေတီ ခေါင်းလောင်းကြီး ဆယ်ယူသည့် နေရာဖြစ်ပြီး ယင်းနေရာသို့ သမ္ဗန်စက်လှေဖြင့် လိုက်ပို့ပေးမည်ဖြစ်ကာ အနီးကပ်လေ့လာ၍ရကြောင်း (၁၀) နှစ်အရွယ် ကလေးငယ်က ရှင်းပြသည်။ လူတစ်ဦး တစ်ထောင်နှုန်း ဖြင့် လိုက်ပါပို့ဆောင်ပေးကြောင်း၊ လိုက်ပါသူများ အသက်အန္တရာယ် အတွက် ပူပင်ရန်မလိုကြောင်း  ကလေးငယ်များက လာသမျှ လူ တွေကို ရှင်းပြနေသည်။
နှစ်ပေါင်း ၄၀၀ ကျော်က တည်းက ရေထဲတွင် နစ်မြုပ်နေ သည်ဟု ယူဆရသော ဓမ္မစေတီ ခေါင်းလောင်း ဆယ်ယူမှုကို ကြည့်ရှုရန် ပြည်သူများသည် သာကေ တ ရှုခင်းသာ ကစားကွင်းအနီးရှိ ကုမ္ပဏီတစ်ခု၏ ဂိတ်ဝင်ပေါက်မှ ၀င်ရောက်လာသော လူအုပ်စုမှာ နေ့စဉ် လူရာချီရှိပြီး သက်ကြီး ပိုင်းအရွယ်များ၊ လူငယ်များ၊ အ မျိုးသမီးများ၊ ကိုယ်ပိုင်ကားဖြင့် လာရောက် လေ့လာသူများစ သည်ဖြင့် ရှိသည်။
လာရောက်ကြည့်ရှုသော အချို့လူများမှာ လှေမစီးရဲသော ကြောင့် ကမ်းစပ်မှနေ၍ မြစ်လယ် ရှိ သင်္ဘောနေရာကို မှန်ပြောင်းဖြင့်ကြည့်သည်။ အချို့ကမူ သမ္ဗန်စက်လှေဖြင့် သွားရောက် ကြည့်ရှုသူများ၏ ပြန်လည်ပြောပြချက်ကို စောင့်၍ နားထောင်ကြသည်။
သွားရောက် ကြည့်ရှုလိုသူ များသည် စက်လှေကို နှစ်မျိုး ရွေးချယ်နိုင်ပြီး တစ်ဦးလျှင် ငွေ ကျပ် တစ်ထောင်ဖြင့် ပြေးဆွဲနေ ရာမှ ယခု ငွေကျပ် ၂၀၀ ဖြင့် လိုက်သည့် ငါးဖမ်းလှေများနှင့် အသက်ကယ်အင်္ကျီပါသည့် လူ ဆယ်ယောက်ဆံ့ စက်လှေကြီးဖြင့် တစ်ဦးလျှင် ၅၀၀ ကျပ်နှုန်းဖြင့် အ ပြိုင်အဆိုင် ပြေးဆွဲနေသည်။
‘‘ဒီနေ့နဲ့ဆို လေးရက်ရှိပြီ။ ဆယ်နေတာပဲ။ သင်္ဘောတော့ တွေ့သွားပြီ။ ခေါင်းလောင်းကြီး က သင်္ဘောအောက်မှာ ရှိတယ်’’ ဟု ဆယ်ယူသည့် နေရာသို့ လိုက် ပို့ပေးသည့် လှေသမ္ဗန်သမား များက လှေပေါ်ရှိ ဧည့်သည်များ ကို ရှင်းပြနေသည်။
ဓမ္မစေတီခေါင်းလောင်းကြီး စတင်ဆယ်ယူသည့် ပထမနေ့ တွင် သမ္ဗန်သုံးစီးဖြင့် စတင်ပို့ ဆောင်ခဲ့ရာမှ သွားရောက်ကြည့် ရှုလိုသူ တစ်နေ့တခြား များလာ ၍ သမ္ဗန်လှေအစီး ၃၀ ခန့်ထိ တိုးချဲ့ပြေးဆွဲလျက်ရှိသည်။
ဓမ္မစေတီ ခေါင်းလောင်း ဆယ်ယူသည့် အချိန်နှင့်တိုက် ဆိုင်၍ ငါးဖမ်းလှေသမားများမှာ ငါးမဖမ်းတော့ဘဲ လာကြည့်သူ များကို စက်လှေဖြင့် လိုက်ပို့သည့် အလုပ်ပြောင်းလုပ်လာကြခြင်း ဖြစ်သည်။
သမ္ဗန်စက်လှေစတင်ထွက် ခွာပြီး ၁၀ မိနစ်ခန့်အကြာတွင် သာသနာ့အလံ လွှင့်ထူထားကာ သင်္ဘောတစ်ဝိုက်တွင် ငှက်ပျော ရွက်များ ချည်နှောင်ထားသော သုံးထပ်သင်္ဘောတစ်စီးကို ရေ လယ်တွင် တွေ့ရမည်ဖြစ်သည်။ သင်္ဘောပေါ်ရှိ အဖြူရောင်ဝတ် ဆင်ထားသော လူများက သမ္ဗန် စက်လှေဖြင့် လာရောက်ကြည့်ရှု သူများကို လက်ပြနှုတ်ဆက်ကြ သည်။ သမ္ဗန်ပေါ်မှ လာရောက် ကြည့်ရှုသူ လူအများကလည်း ပြန်လည်လက်ပြ နှုတ်ဆက်ကြ သည်။
ယင်းသင်္ဘောပေါ်တွင် သာ သနာ့အလံ၊ ငှက်ပျောပွဲ၊ အုန်းပွဲ တို့ဖြင့် ကန်တော့ပွဲများပေး၍ အ စီအရင်များထားရှိထားကြောင်း သင်္ဘောပေါ်သို့ လူစိမ်းလုံးဝ အ တက်မခံကြောင်းလည်း သိရ သည်။
ထိုသင်္ဘော အကျော်တွင် ဓမ္မစေတီ ခေါင်းလောင်းရှိသည် ဟု ယူဆရသော နေရာ၌ လုပ်ငန်းခွင်ဝင်မည့် သင်္ဘောတစ်စီးကို ထပ်မံတွေ့ရှိရသည်။ ယင်းသင်္ဘောဘေးပတ်လည်တွင် ရေပေါ်တွင် ပေါ်နေသော လိမ္မော်ရောင် ဗော်ယာများ တွေ့ရသည်။
‘‘ခေါင်းလောင်းကြီးရယ်၊ ခုနစ်ပေမြင့်တဲ့ ဘုရားနှစ်ဆူ၊ ရတ နာသေတ္တာ ခုနစ်လုံးရှိသေးတယ်။ စာအုပ်ထဲမှာ အဲဒီလို ရေးထား တယ်’’ ဟု လာရောက်ကြည့်ရှုသူ တစ်ဦးက ဆိုသည်။
သမ္ဗန်စက်လှေဖြင့် ရန်ကုန် မြစ်အတွင်း မိနစ် ၃၀ ခန့်ထိ စီးရ ပြီး ယင်းနေရာတစ်ဝိုက်တွင် ရေ စီးသန်သော ရန်ကုန်မြစ်ရေ၏ လှိုင်းလုံးကြီးများ ပုတ်ခတ်နေ သည်ကို တွေ့ရသည်။
‘‘ဘာမှ ထွေထွေထူးထူး မ တွေ့ဘူး။ သင်္ဘောနဲ့ ဗောတွေပဲ တွေ့တယ်’’ ဟု သံလျင်မြို့တွင် နေထိုင်သည့် ကိုရဲနိုင်က ခေါင်း လောင်းဆယ်ယူရာသို့ သွား ရောက်ပြီး သမ္ဗန်လှေပေါ်မှ အ ဆင်းတွင် ပြောသည်။
နေ့စဉ် နံနက် ၈ နာရီမှ ည နေ ၆ နာရီအထိ လာရောက်ကြည့် ရှုသူများကို ပို့ဆောင်ပေးနေရပြီး သမ္ဗန်လှေတစ်စီးလျှင် ၀င်ငွေ ကျပ်တစ်သောင်းခွဲကျော် ရရှိနေကြောင်း သမ္ဗန်သမားများထံမှ သိရသည်။
‘‘အစတစ်စလောက် ပေါ် ထွက်လာလိုက်၊ ရန်ကုန်တစ် တိုင်းလုံးက လူတွေ ဒီနားမှာ စုပြုံ ပြီးကြိတ်ကြိတ်တိုးမှာ။ ခေါင်း လောင်းကို အုပ်နေတဲ့ သင်္ဘော ကြီးအစကို ဆွဲဖယ်လို့ရပြီဆိုရင် လူတွေဒီထက်တောင် လာကြည့် ဦးမှာ။ အခု ဘာမှမတွေ့သေး တာတောင် လာကြည့်တာ’’ ဟု လေးရက်ဆက်တိုက် ကမ်းတွင် လာကြည့်သူတစ်ဦးက မှတ်ချက် ပြုသည်။
ယခု သမ္ဗန်စက်လှေများမှာ ငါးဖမ်းလှေနှင့် ဒလဘက်မှ လာ ရောက်ပြေးဆွဲနေသည့် လူ ၁၀ ယောက်ဆံ့ စက်လှေများဖြစ်ပြီး လာရောက်ကြည့်ရှုသူ များပြား လာသဖြင့် စနစ်တကျနှင့် အရေး ပေါ်ဆောင်ရွက်နိုင်ရန် သက်ဆိုင် ရာက ကြီးကြပ်ဆောင်ရွက်သင့် ကြောင်း လာရောက်ကြည့်ရှုသူ အချို့က မှတ်ချက်ပေးသည်။
‘‘စလုပ်တည်းက လာကြည့် တာ။ လှေနဲ့တော့မသွားဘူး။ အန္တ ရာယ်များလို့’’ ဟု မြစ်ကမ်းနား တွင် ရပ်ကြည့်နေသည့် ဒေါပုံမြို့ နယ်မှ အသက် (၃၀) အရွယ် အ မျိုးသားက ဆိုသည်။
ရန်ကုန်မြစ်၊ ပဲခူးမြစ်၊ ပုဇွန် တောင်ချောင်းတို့ဆုံရာ ရန်ကုန် မြစ်တွင် အမှတ်အသားပြုလုပ်ပြီး ဒီရေတက်ချိန်တိုင်း ဆလုံလူမျိုး ရေလုပ်သား ၁၀ ဦးနှင့် သြဂုတ် ၉ ရက် မှစတင်၍ ခေါင်းလောင်း ကြီးကို ရေငုပ်ရှာဖွေလျက်ရှိရာ သြဂုတ်လ ၁၂ ရက်အထိ ခေါင်း လောင်းကြီးအပေါ်ရှိ သင်္ဘော ကို တွေ့ရပြီး ကြိုးချည်မှတ်သား ထားပြီဖြစ်ကြောင်း ခေါင်း လောင်းဆယ်ယူရေးအဖွဲ့က ပြောကြားထားသည်။
တစ်နေ့လျှင် အနည်းဆုံး နှစ်ကြိမ်ခန့် ရေငုပ်ရှာဖွေကြပြီး သြဂုတ် ၁၂ ရက်တွင် တစ် ကြိမ်သာ ရေငုပ်နိုင်ခဲ့ကြောင်း ခေါင်းလောင်းဆယ်ယူရေးအဖွဲ့ ခေါင်းဆောင် ဦးဝင်းမြင့်က မီဒီ ယာတစ်ခုအား ဖြေကြားထား သည်။
‘‘မနေ့က တွေ့တာ။ ခု သင်္ဘောမြုပ်ကိုတွေ့တယ်လို့ ယူ ဆတဲ့ ဒီနားဧရိယာ၊ သင်္ဘော မြုပ် တာကို ကြိုးချည်ထားပြီးပြီ။ ရေ ငုပ်သမားတွေက ဆလုံလူမျိုး တွေ။ ဘာကိရိယာမှမပါဘူး။ ဒီ တိုင်းငုပ်တာ။ လူတစ်ယောက်ကို တစ်ခါငုပ်ရင် ၁၅ မိနစ်လောက် ငုပ်တယ်။ ရေငုပ်သမား ၁၀ ယောက်လောက်ရှိတယ်။ ရေငြိမ် တဲ့အချိန် ငုပ်ရတာ။ ရေကျတဲ့အ ချိန်ပေါ့။ ရေတအားစီးရင် လုပ် လို့မရဘူး’’ ဟု ရေလုပ်သား ဦးစံ လွင်က ဆိုသည်။
ဓမ္မစေတီ ခေါင်းလောင်း ဆယ်ယူသူ ဦးစံလင်းသည် ၁၉၉၇ခုနှစ်မှစတင်၍ ခုနစ်ကြိမ် ခန့်အထိယင်းခေါင်းလောင်းကြီး ဆယ်ယူရရှိရေး ကြိုးပမ်းခဲ့ပြီး အောင်မြင်မှု မရရှိခဲ့ပေ။
ဓမ္မစေတီခေါင်းလောင်းကြီး တူးဖော်သည့် ကုန်ကျစရိတ်မှာ မြန်မာကျပ်ငွေ သိန်း ၂၀၀၀ ခန့် အထိ ရှိမည်ဟု ခန့်မှန်းထားသည်။
ဓမ္မစေတီမင်းက ရွှေတိဂုံ စေတီတော်သို့ လှူဒါန်းရန် ခေါင်း လောင်းကြီးကို သွန်းလုပ်ခဲ့ခြင်း ဖြစ်သည်။ ကြေး၊ ရွှေ၊ ငွေနှင့် သံ ဖြူစုစုပေါင်း တန် ၂၉၀ ကျော် အ သုံးပြုထားပြီး ကမ္ဘာပေါ်တွင် အ လေးချိန် အများဆုံးအဖြစ် မှတ် တမ်းဝင်ခဲ့သော ၁၁၆ မက်ထရစ် တန်ရှိသည့် ၂၀၀၀ ပြည့်နှစ်က သွန်းလုပ်သော တရုတ်နိုင်ငံမှ ကံ ကောင်းခြင်းခေါင်းလောင်း (Bell of Good Luck) ၏ အလေးချိန် ထက် နှစ်ဆရှိသည်။
7days
ဆက်စပ်ဖတ်ရှုပါရန်....> ဓမ္မစေတီခေါင်းလောင်းပေါ်ရှိ သင်္ဘောပျက်ကို ဖယ်ရှားနေကြောင်း ဆယ်ယူရေးအဖွဲ့ပြော