ပျဉ်းမနားပရိသတ်ကို တောင်းပန်တဲ့ Rဇာနည်

ပျဉ်းမနားနှစ်ကျိပ် ရှစ် ဆူပွဲနှင့် ပတ်သက်၍ ဖေ့စ်ဘွတ်ခ် တွင် တင်ခဲ့သော အကြောင်းအ ရာမှာ စနောက်၍ တင်ခဲ့ခြင်းဖြစ် ပြီး ယင်းကိစ္စနှင့်ပတ်သက်၍ ပရိသတ်များကို တောင်းပန်ကြောင်း Rဇာနည်က ၎င်း၏ဖေ့စ် ဘွတ်ခ်စာမျက်နှာတွင် ရေးသားထားသည်။
အဆိုတော် Rဇာနည်က ၎င်း ၏ ဖေ့စ်ဘွတ်ခ်စာမျက်နှာ၌ ပျဉ်း မနားနှစ်ကျိပ်ရှစ်ဆူပွဲတွင် မိုးအ လင်းဖျော်ဖြေရသည့် အကြောင်း အရာကို ‘‘ပျဉ်းမနား မိုးဖင်မိုးလင်း ပွဲကြီး တိုက်ပွဲကြီးစရန် နာရီပိုင်း သာ လိုတော့သည်။ ကဲ..ကိုနိုင်ဇော် မျောက်ပွဲစပြီနော်’’ စသဖြင့် ရေးသားခဲ့ရာ ယင်းကိစ္စကို ပျဉ်းမနား ပရိသတ်များက မကျေနပ်သောကြောင့် ပျဉ်းမနားမြို့နယ် ဂီတ အစည်းအရုံးသို့ တိုင်ကြားခဲ့ခြင်း ဖြစ်သည်။
‘‘ပျဉ်းမနားမှ ပရိသတ်ထု ကြီးအား ကျွန်တော်Rဇာနည်မှ အနူးအညွတ်တောင်းပန်ပါတယ် ခင်ဗျာ။ မည်သို့မှ နစ်နာသည့် ရည်ရွယ်ချက်ဖြင့် ပြောဆိုခြင်း မဟုတ်ပါ။ ကိုယ့် Wall ပေါ်မှာ ကိုယ့်Friends များနှင့် စနောက် လိုစိတ် ပိုပြီး ရေးမိခြင်းကြောင့် ချစ်လှစွာသော ပျဉ်းမနားတေး ချစ်ပရိသတ်ထုကြီးအား တောင်း ပန်ပါတယ်ခင်ဗျာ’’ ဟု အောက် တိုဘာ ၁၄ ရက်ညက Rဇာနည်၏ တရားဝင်ဖေ့စ်ဘွတ်ခ်စာမျက်နှာ တွင် ရေးသားထားသည်။
အဆိုတော် Rဇာနည်သည် ပျဉ်းမနားနှစ်ကျိပ်ရှစ်ဆူပွဲတွင် ပထမဆုံးအကြိမ် သွားရောက် ဖျော်ဖြေခဲ့ခြင်းဖြစ်ပြီး နှစ်ရက်စ လုံးပရိသတ်စိတ်ကြိုက် မိုးအလင်းသီဆိုပေးခဲ့ကြောင်း အောက်တိုဘာ ၁၀ ရက်က ပြုလုပ်သည့် ဇော်ပိုင်နှင့်   နှစ်ယောက်တွဲဖျော်ဖြေပွဲ တွင် ပြောကြားခဲ့သည်။

Read More

ဆူဇူကီးဖလားတွင် အကဲဖြတ်ရမည့် မြန်မာ့ခြေစွမ်း

အာဆီယံဆူဇူကီးဖလားပြိုင်ပွဲ (ယခင် တိုက်ဂါးဖလား)တစ်လျှောက် တတိယအကြိမ်မြောက်အဖြစ် ခြေစစ်ပွဲအဆင့်ကို မြန်မာ့လက်ရွေးစင်ဘောလုံးအသင်း ၀င်ရောက်ယှဉ်ပြိုင်နေပါပြီ။
ဒေသတွင်း လက်ရွေးစင်အသင်းများ ၀င်ရောက်ယှဉ်ပြိုင်ရသည့် ယင်းပြိုင်ပွဲကို ၂ နှစ်တစ်ကြိမ် ကျင်းပခြင်းဖြစ်ပြီး ယခုနှစ်ပြိုင်ပွဲက (၁၀)ကြိမ်မြောက်ပြိုင်ပွဲ ဖြစ်သည်။ မြန်မာ့လက်ရွေးစင်အသင်းအနေဖြင့် ပြီးခဲ့သည့် ပြိုင်ပွဲကိုးကြိမ်အနက် နှစ်ကြိမ် (၁၉၉၈-၂၀၁၂)တို့တွင် ခြေစစ်ပွဲအဆင့်မှ ၀င်ပြိုင်ခဲ့ရပြီး ယခုနှစ်တွင် သုံးကြိမ်မြောက်ခြေစစ်ပွဲအဆင့်မှ ယှဉ်ပြိုင်ရခြင်းလည်းဖြစ်သည်။
၂၀၁၄ ဆူဇူကီးခြေစစ်ပွဲစဉ်များကို အောက်တိုဘာ ၁၂ ရက်မှစတင်ကာ လာအိုနိုင်ငံက အိမ်ရှင်အဖြစ် လက်ခံကျင်းပနေပြီဖြစ်သည်။ မြန်မာအသင်းသည် အဖွင့်ပွဲစဉ်အဖြစ် တီမောအသင်းနှင့် အောက်တိုဘာ ၁၄ ရက်တွင် စတင်ယှဉ်ပြိုင်မည်ဖြစ်သည်။ (ဂျာနယ်ထွက်ရှိချိန်တွင် မြန်မာ- တီမောပွဲစဉ် ကစားပြီးဖြစ်ပါမည်။)
ခြေစစ်ပွဲအဆင့်တွင် မြန်မာ၊ လာအို၊ ကမ္ဘောဒီးယား၊ ဘရူနိုင်းနှင့် တီမောအသင်းများ ပါဝင်ယှဉ်ပြိုင်မည်ဖြစ်ပြီး အုပ်စုပတ်လည် ယှဉ်ပြိုင်ကစားရမည်ဖြစ်ကာ အမှတ်အများဆုံးနှစ်သင်းက ခြေစစ်ပွဲအောင်မြင်မည်ဖြစ်သည်။ မြန်မာအသင်းသည် ပြီးခဲ့သည့် (၁၉၉၈၊ ၂၀၁၂) ခြေစစ်ပွဲနှစ်ကြိမ်တွင် အုပ်စုပထမဖြင့် ခြေစစ်ပွဲအောင်မြင်ခဲ့ခြင်းက အိမ်ကွင်းတွင်ဖြစ်ပြီး ယခုနှစ်ခြေစစ်ပွဲစဉ်များကို လာအို(အဝေးကွင်း)တွင် သွားရောက်ယှဉ်ပြိုင်ရခြင်းဖြစ်သည်။
မြန်မာ့လက်ရွေးစင်အသင်းသည် လက်ရှိ ကမ္ဘာ့အဆင့်သတ်မှတ်ချက် ၁၄၃ ဖြစ်ပြီး ခြေစစ်ပွဲဝင် အသင်းငါးသင်းတွင် အမြင့်ဆုံး ရပ်တည်နေသော်လည်း ခြေစစ်ပွဲအောင်မြင်ရန် လွယ်ကူမည်ဟု မသတ်မှတ်နိုင်ကြောင်း မြန်မာအသင်းနည်းပြချုပ် အေဗရာမိုဗစ်ကပြောထားသည်။
‘‘အသင်းတိုင်းမှာ အခွင့်အရေးရှိပါတယ်။ အိမ်ရှင်လာအိုအသင်းကတော့ ရေပန်းစားမှုပိုတာပေါ့။ ဒါပေမဲ့ မြန်မာကစားသမားတွေ အကောင်းဆုံးလုပ်နိုင်မှာပါ’’ဟု ပြိုင်ပွဲမတိုင်မီ အေဗရာမိုဗစ်ကပြောကြားခဲ့သည်။
ပြီးခဲ့သည့် ဖိလစ်ပိုင်ငြိမ်းချမ်းရေးဖလားပြိုင်ပွဲတွင် ကာလရှည်ပျောက်ဆုံးနေသည့် မြန်မာ့လက်ရွေးစင်အသင်း နိုင်လိုစိတ်ပြင်းထန်မှုနှင့် စိတ်ဓာတ်ပိုင်းကို ပြန်လည်မြင်တွေ့ခဲ့ရပြီး ဆူဇူကီးဖလားခြေစစ်ပွဲစဉ်တွင် ဆက်လက်မြင်တွေ့ရရန် မျှော်လင့်ထားကြောင်း မြန်မာဘောလုံးပရိသတ်တစ်ဦးကပြောသည်။
နည်းပြသစ်အေဗရာမိုဗစ် လက်ထက်တွင် အေအက်ဖ်စီချဲ့လင့်ဖလားပြိုင်ပွဲ၌ အုပ်စုမှ ထွက်ခဲ့ရသော်လည်း ဖိလစ်ပိုင်ငြိမ်းချမ်းရေးဖလားပြိုင်ပွဲတွင် ဗိုလ်စွဲခဲ့သည်။ ငြိမ်းချမ်းရေးဖလားတွင် နှစ်ပွဲသာယှဉ်ပြိုင်ခဲ့သော်လည်း မြန်မာအသင်း၏ နိုင်လိုစိတ်ပြင်းထန်မှုက ပြိုင်ဘက်နှစ်သင်းထက် သာလွန်ခဲ့သည်။
အေဗရာမိုဗစ်က မြန်မာအသင်း၏ စုစည်းမှုနှင့် အသင်းလိုက်စိတ်ဓာတ်ပိုင်းက တိုးတက်မှုရှိလာပြီး အားနည်းသည့် နောက်တန်းအနေအထားကလည်း ယခင်ထက် ပိုမိုတည်ငြိမ်လာပြီဖြစ်ကြောင်း ဆိုသည်။
သို့သော် ပွဲစဉ်ဇယားအရ  မြန်မာအသင်းသည် ပြိုင်ပွဲပထမရက်တွင် မကစားရသော်လည်း နောက်ပိုင်းပွဲစဉ်များအား လေးပွဲဆက်တိုက်(တစ်ရက်ခြား) ကစားရမည်ဖြစ်ရာ ကစားသမားများ၏ ကြံ့ခိုင်မှုအနေအထားနှင့် ဒဏ်ရာပြဿနာအတွက် စိုးရိမ်ဖွယ်ရာရရှိကြောင်း အားကစားကလောင်ရှင် အလင်းဖြူက သုံးသပ်သည်။
ဆူဇူကီးဖလားခြေစစ်ပွဲ ပြိုင်ပွဲပထမရက်တွင် မြန်မာအသင်း ပွဲစဉ်မပါဝင်သော်လည်း အောက်တိုဘာ ၁၄ ရက်မှစတင်ကာ တီမော၊ ဘရူနိုင်း၊ ကမ္ဘောဒီးယား၊ လာအိုအသင်းများနှင့် ဆက်တိုက် (တစ်ရက်ခြား) ယှဉ်ပြိုင်ရမည်ဖြစ်သည်။
‘‘ပွဲစဉ်အနေအထားကတော့ မြန်မာအသင်းအတွက် ခက်ခဲတဲ့အနေအထားပါ။ ပွဲစဉ်ဇယားအရ မြန်မာအသင်းရဲ့ကြံ့ခိုင်မှုအနေအထားက စိုးရိမ်စရာရှိပါတယ်။ ပြိုင်ပွဲအတွင်း အဓိက ကစားသမားတွေ ဒဏ်ရာမရဖို့လည်း ဆုတောင်းရမှာပါ။ မြန်မာအသင်းအနေနဲ့ အုပ်စုနောက်ဆုံးပွဲစဉ် မတိုင်မီအထိ ခြေစစ်ပွဲအောင်မြင်ဖို့ မသေချာသေးဘူးဆိုရင်တော့ အိမ်ရှင်လာအိုနဲ့ နောက်ဆုံးပွဲစဉ်မှာ ဖိအားပိုဝင်နိုင်ပြီး တော်တော်ရုန်းကန်ရမယ့် အနေအထား ဖြစ်သွားနိုင်ပါတယ်’’ဟု အလင်းဖြူကပြောသည်။
‘‘နည်းပြရဲ့ ဗျူဟာပိုင်းကလည်း အရေးကြီးတဲ့အတွက် ဆူဇူကီးခြေစစ်ပွဲမှာ မိုဗစ်ရဲ့ အရည်အချင်းကို စောင့်ကြည့်ရမှာပါ။ မိုဗစ်ရဲ့ အဓိကပြိုင်ပွဲကလည်း ဆူဇူကီးဖလားပြိုင်ပွဲဖြစ်ပါတယ်။ ခြေစစ်ပွဲဝင်အသင်းတွေကလည်း ပြင်ဆင်ထားကြတာဆိုတော့ အရမ်းကွာခြားမှုမရှိပါဘူး။ အမှားများတဲ့အသင်း ခံရမယ်ထင်တယ်’’ဟု ဘောလုံးနည်းပြ ဆရာဦးတင်ငြိမ်းကသုံးသပ်သည်။
မြန်မာ့လက်ရွေးစင်အသင်းအနေဖြင့် ၁၉၉၆ ခုနှစ်မှ စတင်ကျင်းပခဲ့သည့် အာဆီယံအလွတ်တန်းဘောလုံးပြိုင်ပွဲတစ်လျှောက် အမြင့်ဆုံးအောင်မြင်မှုအဖြစ် ၂၀၀၄ ခုနှစ်ပြိုင်ပွဲက အကြိုဗိုလ်လုပွဲအဆင့်သို့ ရောက်ရှိခဲ့ခြင်းသာဖြစ်ပြီး ကျန်ပြိုင်ပွဲများတွင် အုပ်စုအဆင့်အား ကျော်ဖြတ်နိုင်ခြင်းမရှိခဲ့ပေ။
မြန်မာအသင်းသည် ပြီးခဲ့သည့် ၂၀၁၂ ဆူဇူကီးဖလားပြိုင်ပွဲတွင် အုပ်စုနောက်ဆုံး၌ ရပ်တည်နိုင်ခဲ့သည့်အတွက် ယခုနှစ်ပြိုင်ပွဲကို ခြေစစ်ပွဲအဆင့်မှ စတင်ယှဉ်ပြိုင်ရခြင်းဖြစ်သည်။
၂၀၁၄ ဆူဇူကီးနောက်ဆုံးအဆင့်ပြိုင်ပွဲများကို လာမည့် နိုဝင်ဘာ ၂၂ ရက်မှ ဒီဇင်ဘာ ၂၀ ရက်အထိ စင်ကာပူနှင့် ဗီယက်နမ်နိုင်ငံတို့တွင် လက်ခံကျင်းပမည်ဖြစ်သည်။ ခြေစစ်ပွဲအဆင့်တွင် အုပ်စုပထမရအသင်းအနေဖြင့် စင်ကာပူ၊ မလေးရှား၊ ထိုင်းအသင်း ပါဝင်သည့် အုပ်စု(ခ)တွင် ကျရောက်မည်ဖြစ်ပြီး အုပ်စုဒုတိယအသင်းအနေဖြင့် ဗီယက်နမ်၊ ဖိလစ်ပိုင်၊ အင်ဒိုနီးရှားအသင်းများ ပါဝင်သည့် အုပ်စု(က)တွင် ကျရောက်မည်ဖြစ်သည်။
လာအိုနိုင်ငံတွင် ကျင်းပခဲ့သည့် ၂၀၀၉ ဆီးဂိမ်းပြိုင်ပွဲတွင် မြန်မာယူ-၂၃ အမျိုးသားဘောလုံးအသင်းအနေဖြင့် အုပ်စုအဆင့်မှ မကျော်လွန်နိုင်ခဲ့ပေ။ လာအိုမြေက မြန်မာဘောလုံးအသင်းအတွက် ခက်ခဲသည့် မှတ်တမ်းရှိထားသည်။ မြန်မာ့လက်ရွေးစင်အသင်းအနေဖြင့် လာအိုနိုင်ငံတွင် ယှဉ်ပြိုင်ရသည့် ဆူဇူကီးဖလားခြေစစ်ပွဲစဉ်များကိုမူ မည်ကဲ့သို့ ဖြတ်သန်းမည်လည်းဆိုသည်ကိုမူ စောင့်ကြည့်ရမည်ဖြစ်သည်။
မြန်မာအသင်း၏ ဆူဇူကီးဖလား ခြေစစ်ပွဲစဉ်များ
၁၄.၁၀.၁၄ (မြန်မာ-တီမော)
၁၆.၁၀.၁၄ (မြန်မာ-ဘရူနိုင်း)
၁၈.၁၀.၁၄ (မြန်မာ-ကမ္ဘောဒီးယား)
၂၀.၁၀.၁၄ (မြန်မာ-လာအို)
မြန်မာ့လက်ရွေးစင်ဘောလုံးအသင်း
ဂိုး- သီဟစည်သူ၊ ကျော်ဇင်ဖြိုး၊ ပြည့်ဖြိုးအောင်။
နောက်တန်း- ဇော်မင်းထွန်း၊ အောင်ဇော်၊ နေမျိုးအောင်၊ ၀င်းမင်းထွဋ်၊ စည်သူအောင်၊ ရဲဝင်းအောင်၊ ခင်မောင်လွင်။
အလယ်တန်း- ရန်အောင်ကျော်၊ မင်းမင်းသူ၊ အောင်ကျော်နိုင်၊ တင်ဝင်းအောင်၊ နန္ဒလင်းကျော်ချစ်၊ ဒေးဗစ်ဒန်း၊ ချစ်စုမိုး၊ ကြည်လင်း။
ရှေ့တန်း-  ကျော်ကိုကို၊ စိုးမင်းဦး၊ ရန်ပိုင်။

Read More

ဗိုလ်မှူးကြီး တိုက်ဂါးကို ကရင်ငြိမ်းချမ်းရေး ကောင်စီ အဖွဲ့ကနေ ထုတ်ပယ်

KNU/KNLA-PC ငြိမ်းချမ်းရေး ကောင်စီက ဗျူဟာမှူး ဗိုလ်မှူးကြီး တိုက်ဂါးကို တပ်စည်းကမ်း ဖောက်ဖျက်မှု ၊ အဖွဲ့အစည်း ဂုဏ်သိက္ခာ ကျဆင်းစေမှုစတဲ့ အကြောင်းပြ ချက်တွေနဲ့ ထုတ်ပယ်လိုက်တယ်လို့ သိရပါ တယ်။

ကော်သူးလေတပ်မတော် ဖွဲ့စည်းကြောင်း ကြေညာချက်မှာ ပါဝင် လက်မှတ်ရေးထိုးခဲ့လို့ အခုလို ထုတ်ပယ်တာဖြစ်နိုင်ကြောင်း KNU/KNLA-PC ကောင်စီဝင်ကနေ ပြီးခဲ့တဲ့ ရက်ပိုင်း ထွက်ခွာသွားခဲ့တဲ့ ဗိုလ်မှူးချုပ်ဟောင်း တင်မိုသီက RFA ကို ပြောပါတယ်။

"ဗိုလ်ချုပ် ဘော်ကျော်က ဆရာမ ကပေါ်ထူးကို လက်မှတ်ထိုးခိုင်းတယ်၊ ဆရာမ ကပေါ်ထူးက မထိုးဘူး၊ ဆရာမက မထိုးတော့ ဗိုလ်တိုက်ဂါးက ကရင်တွေစည်းလုံးတာ ကောင်းတယ်၊ ကရင်တွေအားလုံး တစ်ဖွဲ့တည်းဖြစ်တာ ကောင်းတယ်ဆိုပြီး သူ့အထူးဗျူဟာအနေနဲ့ လက်မှတ်ထိုးတော့ တိုက်ဂါးကိုမောင်းထုတ်တယ်၊ အမိန့်ကိုမနာခံလို့ ထုတ်လိုက်တယ်ဆိုတဲ့အကြောင်းကို ကျနော်တို့တွေ့ရတယ်"

ကရင်လက်နက်ကိုင်တပ်ဖွဲ့တွေ ပူးပေါင်းဖို့ လိုအပ်တယ်လို့ ယူဆတာကြောင့် ဗိုလ်မှူးကြီး တိုက်ဂါးက ကော်သူးလေ တပ်မတော်ဖွဲ့စည်းရာမှာ လက်မှတ်ရေးထိုးခဲ့တာဖြစ်တယ်လို့လည်း ဗိုလ်မှူးချုပ်ဟောင်း တင်မိုသီ ကပြောပါတယ်။

KNU/KNLA-PC ငြိမ်းချမ်းရေးကောင်စီရဲ့ မြဝတီဆက်ဆံရေးရုံး ဒုတိယတာဝန်ခံ ဗိုလ်ကြီးအယ်ဒို ကတော့ ဗျူဟာမှူး ဗိုလ်မှူး တိုက်ဂါးကို အဖွဲ့ ကနေထုတ်လိုက်တာမဟုတ်ပဲ သူတို့ဌာနချူပ်နဲ့  အဆက်အသွယ်မရတဲ့အတွက် ခေတ္တအနားပေးထားတာဖြစ်တယ်လို့  RFA ကိုပြောပါတယ်။

"တိုက်ဂါးကို အဖွဲ့ကထုတ်လိုက်တာ မဟုတ်ဘူး၊ အနားပေးလိုက်တာဗျ၊ သူ့တစ်ယောက်ထဲပဲ၊ သူ့ရဲဘော်တွေနဲ့ ဗျူဟာနဲ့ မဆိုင်ဘူး၊ ဗျူဟာမှူးကို ခဏအနားပေးထားတယ်ဆိုတာက သူနဲ့မတွေ့ရသေးလို့၊ ဒီအချိန်မှာက သူနဲ့ဆက်သွယ်ဖို့ကလည်းမရှိသေးဘူး၊ ဗျူဟာမှူးလည်း ဘယ်ရောက်နေလဲ မသိတဲ့အခါကျတော့ တစ်ယောက်နဲ့ တစ်ယောက် အဆက်အသွယ်မရသေးလို့ ခဏအနားပေးလိုက်တဲ့သဘောပါ"

ဒါ့အပြင် ဗျူဟာမှူး ဗိုလ်မှူးတိုက်ဂါးဟာ ဒီကေဘီအေအဖွဲ့ နဲ့ ပူးပေါင်းသွားတယ်ဆိုတဲ့ သတင်းတွေဟာလဲ မဟုတ်ဘူးလို့  မြဝတီဆက်ဆံရေးရုံး ဒုတိယတာဝန်ခံ ဗိုလ်ကြီးအယ်ဒိုက ပြောပါတယ်။

ဗိုလ်မှူးကြီးတိုက်ဂါး နဲ့ ဗိုလ်မှူးချုပ်ဟောင်းတင်မိုသီတို့နှစ်ဦးလုံး ကော်သူးလေတပ်မတော်မှာ တာဝန်ထမ်းဆောင်မှာဖြစ်တယ်လို့ သိရပါတယ်။

ကော်သူးလေတပ်မတော်ကို ဖွဲ့စည်းကြောင်း အောက်တိုဘာလ ၁၃ရက်နေ့စွဲနဲ့ ထုတ်ပြန်ကြေညာ ခဲ့ရာမှာ ကရင်လက်နက်ကိုင် တပ်ဖွဲ့တွေဖြစ်တဲ့ KNLA က ဒုတိယစစ်ဦးစီးချုပ်၊ KNDOနဲ့ DKBA တို့က စစ်ဦးစီးချုပ် တွေနဲ့ KNU/KNLA-PC က ဗျူဟာမှူး ဗိုလ်မှူးကြီးတိုက်ဂါးတို့က ပါဝင်လက်မှတ် ရေးထိုးခဲ့ကြပါတယ်။

RFA Burmese
https://www.facebook.com/pages/RFA-Burmese/39218993127

Read More

ဦးဆန်းဆင့်ကို အရေးမယူဖို့ လွှတ်တော်အမတ် ၅၀ ကျော် လက်မှတ်ထိုးတောင်းဆို

သာသနာရေး ၀န်ကြီးဟောင်း ဦးဆန်းဆင့်အပေါ် တရားစွဲဆိုထားတာကို နိုင်ငံတော် အစိုးရအနေနဲ့ သက်ညှာစွာ စဉ်းစားပေးပြီး ပြစ်မှုတွေကို ရုပ်သိမ်းပေးရန်အတွက် လွှတ်တော် ကိုယ်စားလှယ် ၅၁ ဦးက လက်မှတ်ရေးထိုး ပေးပို့ထားတဲ့ စာတစ်စောင်ကို ပြည်ထောင်စု လွှတ်တော် နာယက သူရဦးရွှေမန်းက နိုင်ငံတော်သမ္မတ၊ ပြည်ထောင်စု တရားလွှတ်တော်ချုပ်နဲ့ ပြည်ထောင်စု တရားသူကြီးချုပ်ထံ မနေ့က ပေးပို့လိုက်ပါတယ်။

ဦးဆန်းဆင့်အနေနဲ့ ငွေကြေးအလွဲသုံးစားမှု ပြုလုပ်တယ်ဆုိတာ မဖြစ်နိုင်ကြောင်း ယုံကြည်တဲ့အတွက် အခုလိုပါဝင် လက်မှတ်ရေးထိုးခဲ့တာဖြစ်တယ်လို့ ပြည်သူ့လွှတ်တော်ကိုယ်စားလှယ် ဒေါ်ခင်စောဝေက ပြောပါတယ်။

"အဓိကကတော့ အမှုမှန်ပေါ်ပေါက်ပြီးတော့ သူ့ကို မတရားမခံရစေဖို့ ကျမတို့က တိုက်တွန်းထားတာပေါ့နော်၊ ဒီဦးဆန်းဆင့်က အရင်တုန်းက လွှတ်တော်ဥက္ကဌ ဘဝတုန်းကလည်း တော်တော်သမာသမတ်နဲ့ သူလုပ်ခဲ့တဲ့သက်တမ်းတစ်လျှောက်မှာ နာမည်ကောင်းတော်တော်ရခဲ့တယ်၊ ငွေအလွဲသုံးစားလုပ်ခဲ့တာကလည်း တစ်ရာကျော်နဲ့ပေါ့၊ ဥပမာ ဝန်ကြီးဌာနတိုင်းမှာ တစ်ရာကျော်ဟာ မပြောပလောက်တဲ့ပိုက်ဆံပေါ့၊ ဦးဆင်းဆင့်ကိုယ်တိုင်က ဒီတစ်ရာကျော်ကို လျော်နိုင်တယ်ပေါ့၊ အဲဒီ့အတွက်ကြောင့် ဒါလေးကိုတော့ သေချာစိစစ်ပြီးတော့ လုပ်ပေးဖို့ကို ကျမတို့ကတောင်းဆိုတာပါ"

ဒါ့အပြင် ဦးဆန်းဆင့်ကို လွှတ်ပေးဖုိ့ ဧရာဝတီတိုင်းဒေသကြီးမှာနေထိုင်တဲ့ ပြည်သူတစ်ထောင်ကျော်နဲ့ သံဃာတော်တွေရဲ့ လက်မှတ်တွေကိုလည်း ဦးရွှေမန်းကတဆင့် နိုင်ငံတော်သမ္မတ၊ ပြည်ထောင်စု တရားလွှတ်တော်ချုပ်နဲ့ ပြည်ထောင်စုတရားသူကြီးချုပ်ထံ ပေးပို့ထားတယ်လို့ သိရပါတယ်။

အခုလက်မှတ်တွေကို လွှတ်တော်ကိုယ်စားလှယ် ဦးခိုင်မောင်ရည်က ဦးစီးကောက်ယူတာဖြစ်ပြီး အမျိုးသားဒီမိုကရေစီအဖွဲ့ချုပ်၊ ပြည်ထောင်စုကြံ့ခိုင်ရေးနဲ့ ဖံွ့ဖြိုးရေးပါတီ၊ ဖလုံ-စဝေါ် ဒီမိုကရက်တစ်ပါတီ၊ ရှမ်းတိုင်းရင်းသားများ ဒီမိုကရက်တစ်ပါတီ စတဲ့ပါတီတွေက လွှတ်တော်ကိုယ်စားလှယ်တွေ ပါဝင်လက်မှတ်ထိုးခဲ့ပါတယ်။

ဦးဆန်းဆင့်ကို ပြည်သူပိုင်ပစ္စည်း အလွဲသုံးစားမှု၊ နိုင်ငံတော် အကြည်ညိုပျက်အောင်လုပ်ဆောင်မှုနဲ့ ပြီးခဲ့တဲ့ ဇွန်လ ၁၈ ရက်နေ့က ဖမ်းဆီးခဲ့တာဖြစ်ပြီး နေပြည်တော်ကောင်စီ ဒက္ခိဏသီရိခရိုင်တရားရုံးက မနက်ဖြန် အမိန့်ချမှတ်မယ်လို့ သိရပါတယ်။

RFA Burmese
https://www.facebook.com/pages/RFA-Burmese/39218993127

Read More

အင်္ဂလန်တွင် ကျင်းပမည့် Miss World beauty 2014 ပြိုင်ပွဲအတွက် အလှမယ်ရွေးချယ်

အင်္ဂလန်မှာ ကျင်းပမယ့် Miss World beauty 2014 ပြိုင်ပွဲကို မြန်မာနိုင်ငံကိုယ်စားပြု ယှဉ်ပြိုင်ဖို့ အတွက် အလှမယ်ရွေးချယ်တဲ့ Miss Myanmar World 2014 ပြိုင်ပွဲကို စက်တင်ဘာ ၂၇ ရက်နေ့ ညနေပိုင်းက ရန်ကုန်မြို့မှာ ပြုလုပ်သွားပါတယ်။

Miss Myanmar World ၂၀၁၄ သရဖူကို ခါးနံပါတ် ၅ ၀ိုင်းလေးက ရရှိသွားပြီး ခါးနံပါတ် ၁၄ ခင်ရတနာဟိန်း 1st runner နဲ့ Miss Personality ၊ ခါးနံပါတ် ၁ ထက်ထက်ထွန်းက 2nd runner နဲ့ Miss Photogenic ဆုတွေ အသီးသီးရရှိသွားပါတယ်။

ဆန်ကာတင် အလှမယ် အယောက် ၂၀ ထဲကနေ မြန်မာဝတ်စုံ၊ ရေကူး ၀တ်စုံ၊ ညနေခင်းဝတ်စုံ အဆင့်ဆင့်ရွေးချယ်တဲ့ ဒီပြိုင်ပွဲကို နိုင်ငံပိုင်ရုပ်သံတွေမှာ ပြသသွားပေမယ့် တခြား အလှမယ်ပြိုင်ပွဲတွေနဲ့ မတူပဲ သတင်းလွတ်လပ်စွာ ရယူခွင့်မရှိတဲ့အပေါ် ဝေဖန်မှုတချို့ ရှိခဲ့ပါတယ်။

ဒါ့အပြင် သရဖူရရှိသွားတဲ့ အလှမယ်က နောက်ဆုံးအဆင့်မှာ မေးခွန်း ၂ ခု ဖြေကြားသွားမှု အပေါ်မှာလည်း ပရိသတ် ဝေဖန်မှု တချို့ ရှိနေပါတယ်။

Miss World Myanmar ၂၀၁၄ အရွေးခံရတဲ့ အလှမယ်ဟာ သိန်း ၁၀၀ နဲ့ သရဖူ ရရှိပြီး ၂၀၁၄ ဒီဇင်ဘာကျရင် လန်ဒန်မြို့မှာ ကျင်းပမယ့် Miss World beauty ပြိုင်ပွဲမှာ သွားရောက်ယှဉ်ပြိုင်မှာ ဖြစ်ပါတယ်။

By ဒီဗွီဘီ
http://burmese.dvb.no/archives/66249

ဓာတ်ပုံ – Miss World Myanmar Faecebook

Read More

မြနန်းစံကျော်ရွှေနန်းတော်တွင် မဖွယ်မရာပြုလုပ်သူ အမျိုးသမီးများကို အရေးယူဆောင်ရွက်သွားမည်

မန္တလေးမြို့၏ သမိုင်းဝင်တစ်ခုဖြစ်သော မြနန်းစံကျော်ေ၇ွှနန်းတော်ကြီး အတွင်း အမျိုးသမီးတစ်ချို့ မင်းတုန်းမင်းတရားကြီး ပုံတော်နှင့် မဖွယ်မရာ ဓာတ်ပုံယှဉ်တွဲရိုက်ခြင်း များ ဖေ့စ်ဘွတ်လူမှုကွန် ယက်စာမျက်နှာ များတွင် ပျံ့နှံ့လာသော ကြောင့် ပြုလုပ်ခဲ့သူအမျိုးသမီးများကို စုံစမ်းဖော်ထုတ်အရေးယူရန် ဆောင်ရွက်လျက်ရှိ ကြောင်း တိုင်းဒေသကြီး ပြန်ကြားရေးဦးစီးဋ္ဌာနမှထုတ်ပြန်ထားသည်။

ပြီးခဲ့သည့် ၂ ပတ်လောက်က လူမှုကွန်ယက်စာမျက်နှာ တွင် အမျိုးသမီးတစ်ဦးက မင်းတုန်းမင်းကြီးရုပ်တုနှင့် ယှဉ်တွဲဓာတ်ပုံရိုက်ခြင်း၊ အပြောင်အပျက်သဘောဖြင့် ရုပ်ထုများကို မဖွယ်မရာပြုလုပ်ထားသော ပုံများ ပျံ့နှံ့ လာခဲ့ပြီးနောက် အရေးယူရန်ထုတ်ပြန်လိုက်ခြင်းဖြစ်သည်။
“၎င်းဓာတ်ပုံတွေပါလာခြင်းနဲ့ပတ်သက်ပြီးတော့ ပေါ့လျော့စွာတာဝန်ထမ်းဆောင်ခဲ့ကြတဲ့ တာဝန်ရှိသူဝန်ထမ်း တွေကိုလည်း စည်းမျဉ်းစည်းကမ်းနဲ့အညီအရေးယူဖို့လုပ်ဆောင်နေပါတယ်။ မင်းတုန်းမင်းကြီးပုံနဲ့ မဖွယ်မရာ ပြုလုပ်သူတွေကိုလဲ စုံစမ်းဖော်ထုတ်အရေးယူသွားမှာပါ” ဟု ပြန်ကြားရေးမှတာဝန်ရှိသူတစ်ဦးကပြောသည်။

'မြနန်းစံကျော်ရွှေနန်းတော်ကြီးသည် မြန်မာလူမျိုးများ၏ သမိုးဝင် အဖိုးတန်အမွေအနှစ်တစ်ခုဖြစ်ပြီး နိုင်ငံတကာ ခရီးသွားဧည့်သည်များ စိတ်ဝင်စားသည့် နေရာတစ်ခုလည်းဖြစ်ကာ တန်ဖိုးထားဂုဏ်ယူရမည့်နေရာတစ်ခုလည်း ဖြစ်သည်။
“မြနန်းစံကျော်ရွှေနန်းတော်ဟာ သမိုင်းဝင်တန်ဖိုးထားတဲ့နေရာတစ်ခု တစ်တဲ့အတွက် မဖွယ်မရာညစ်ညမ်းတဲ့ အပြုအမူတွေကိုမလုပ်သင့်ပါဘူး။ ပြီးတော့ဖေ့စ်ဘုတ်စာမျက်နှာတွေပေါ်မှာ တွေလိုက်တာက ဆဲဆိုဝေဖန်သံ တွေနဲ့ တက်လာတယ်၊ လူလတ်ပိုင်း မြန်မာအမျိုးသမီးတွေဖြစ်နေတယ်။ မြန်မာမိန်းကလေးတွေအနေနဲ့ မိမိရဲ့ ဂုဏ်သိက္ခာ၊ တန်ဖိုးထားပြီးတော့နေသင့်ပါတယ် ” ဟုလည်း မန္တလေးမြို့ခံ ကျောင်းဆရာမတစ်ဦးကပြောသည်။

၁၂၂၁ ခုနှစ် မန္တလေးမြို့ တည်သည်မှ သီပေါမင်း ပါတော်မူသည့် ၁၂၄၇ ခုနှစ်အထိ ရွှေနန်းတော်၏ ထီးနန်း သက်တမ်းကား ၂၆ နှစ်မျှသာ ကြာခဲ့၍ ၁၈၈၅ ခုနှစ် နိုဝင်ဘာ ၂၉ ရက် နယ်ချဲ့ အင်္ဂလိပ်တို့ လက်အောက်သို့ ကျရောက် ခဲ့ရပြီးနောက် နန်းတော်ကြီးမှာ အင်္ဂလိပ်နယ်ချဲ့တို့ ထင်သလိုပြုမူခဲ့ခြင်းကြောင့် စစ်တန်းလျားများ ဖြစ်သွားခဲ့၏။ ရွှေရောင် တဝင်းဝင်းဖြစ်နေရာက ထင်းဖြစ်သွားရ၏။ ထို့နောက် မြန်မာနိုင်ငံသို့ ဒုတိယ ကမ္ဘာစစ် ကူးစက်လာကာ ၁၃ဝ၃ ခုနှစ် တပေါင်းလဆန်း ၅ ရက်တွင် ကျန်ရှိသမျှ ရွှေနန်းတော် အဆောင်ဆောင်တို့ မီးလောင်ပြာကျ ခဲ့ရ၏။

ယခုအခါ ရွှေနန်းတော်ကို ရှေးမူမပျက် ပြန်လည်တည်ဆောက် မွမ်းမံပြင်ဆင်ပြီး ၁၉၉၆ ခုနှစ် စက်တင်ဘာ ၁၈ ရက်တွင် ဖွင့်လှစ်ခဲ့ခြင်းဖြစ်သည်။

ဘုန်းလျှံမင်း
The Union Daily
https://www.facebook.com/pages/The-Union-Daily/139677556201764

Read More

ကျဉ်းမြောင်းတဲ့အယူအဆတွေ ဘေးဖယ်ပြီး ပူးပေါင်းဆောင်ရွက်ဖို့ အချိန်ဖြစ်ကြောင်း ဘန်ကီမွန်း ပြောကြား

  မြန်မာနိုင်ငံအနေနဲ့ စီးပွားရေးနဲ့ လူမှုရေး၊ အမျိုးသား ပြန်လည်သင့်မြတ်ရေးနဲ့ ဒီမိုကရေစီ အသွင်ကူး ပြောင်းရေးတွေမှာ တိုးတက်မှုတွေ တွေ့မြင်လာရပေမယ့် တချိန်ထဲမှာလည်း ၂ဝ၁၅ ရွေးကောက်ပွဲ နီးကပ်လာတာနဲ့အမျှ အရေးကြီးတဲ့ အခက်ခဲတွေကို ရင်ဆိုင်နေရဆဲလို့ ကုလသမဂ္ဂအထွေထွေ အတွင်းရေးမှူးချုပ် ဘန်ကီမွန်းက ပြောကြားလိုက်ပါတယ်။

ကုလသမဂ္ဂ အထွေထွေညီလာခံ ကာလအတွင်း အမေရိကန်ပြည်ထောင်စု နယူးယောက်မြို့ ကုလသမဂ္ဂ ရုံးချုပ်မှာ စက်တင်ဘာ ၂၆ ရက် သောကြာနေ့ ညနေပိုင်းကကျင်းပတဲ့ မြန်မာ့အရေး လုပ်ဖော်ကိုင်ဖက်နိုင်ငံများ အဖွဲ့တွေ့ဆုံဆွေးနွေးပွဲမှာ ကုလသမဂ္ဂ အတွင်းရေးမှူးချုပ်က အခုလို ပြောကြားလိုက်တာဖြစ်ပါတယ်။

အခုချိန်ဟာ မြန်မာနိုင်ငံအနေနဲ့ ကျဉ်းမြောင်းတဲ့ အယူအဆသဘောတရားတွေကို ကျော်လွန်ပြီး ပူးပေါင်း ဆောင်ရွက်ရေးလုပ်ဆောင်ရမယ့် အချိန်ကာလဖြစ်ကြောင်း၊ ကုလသမဂ္ဂအနေနဲ့ မြန်မာနိုင်ငံ မှာ ငြိမ်းချမ်းရေးရဖို့ အပြုသဘောအခန်းကဏ္ဍကနေ ဆက်လက်ပါဝင်သွားမှာ ဖြစ်ကြောင်းလည်း မစ္စတာဘန်ကီမွန်းက ပြောပါတယ်။

၂ဝ၁၅ ရွေးကောက်ပွဲဟာ တိုင်းပြည်အတွက် အရေးကြီးတဲ့ အပြောင်းအလဲခြေလှမ်းဖြစ်ကြောင်း၊ အမျိုးသားပြန်လည်သင့်မြတ်ရေး၊ တိုင်းရင်းသားအားလုံးပါဝင်တဲ့ နိုင်ငံရေးဆွေးနွေးတွေ ဖြစ်ပေါ် လာရေး၊ အမုန်းတရားပွားစေတဲ့ ပြောဆိုရေးသားချက်တွေ ထိန်းချုပ်နိုင်ဖို့ အပါအဝင် တိုင်းပြည် ဖွံ့ဖြိုးရေး ကိစ္စရပ်တွေကို ဆုံးဖြတ်ရာမှာ လွှတ်တော်အနေနဲ့ အလွန်အရေးပါတဲ့ အခန်းကဏ္ဍမှာ ရှိနေကြောင်းလည်း ကုလသမဂ္ဂအတွင်းရေးမှူးချုပ်က ပြောကြားပါတယ်။

မြန်မာအစိုးရနဲ့ လက်နက်ကိုင်တိုင်းရင်းသားအဖွဲ့အစည်းတွေ ကျင်းပနေတဲ့ ငြိမ်းချမ်းရေး ဆွေးနွေးပွဲတွေမှာ အာဏာခွဲဝေရေး၊ တန်းတူမျှမှု ဒီမိုကရေစီစနစ်နဲ့ ကိုယ့်ကံကြမ္မာဖန်တီးခွင့်စတာတွေ အခြေခံတဲ့ ဖယ်ဒရယ်စနစ် တည်ဆောက်ရေး စတာတွေကို ပွင့်ပွင့်လင်းလင်းဆွေးနွေးနေကြတာဟာ စည်းလုံးညီညွတ်တဲ့ မြန်မာနိုင်ငံဖြစ်ပေါ်လာရေး အစိုးရအနေနဲ့ အလေးနက်ထားနေတာ ထင်ရှားကြောင်းလည်း မစ္စတာဘန်ကီမွန်းက ပြောပါတယ်။

RFA Burmese
https://www.facebook.com/pages/RFA-Burmese/39218993127

Read More

နိုင်ငံသားစိစစ်ရာမှာ ရခိုင်ဒေသခံတွေသဘောထားကို အရင်ဖြေရှင်းပေးဖို့ တောင်းဆို

ရခိုင်ပြည်နယ် ဘူးသီးတောင်မြို့နယ် ဒုက္ခသည်စခန်းတွေက မူဆလင်တွေကို ၁၉၈၂ ခုနှစ် မြန်မာနိုင်ငံသား ဥပဒေအရ စိစစ်ဆောင်ရွက်ရာမှာ ဒေသခံ ရခိုင်တိုင်းရင်းသားတွေရဲ့တောင်းဆိုချက်တွေကို လိုက်လျောပြီးမှ ဆောင်ရွက်ဖို့ ဘူးသီးတောင်ဒေသခံတွေနဲ့ သံဃာတော်တွေက တောင်းဆိုလိုက်ပါတယ်။

အစိုးရတာဝန်ရှိသူတွေအနေနဲ့ ရခိုင်ပြည်နယ်အတွင်း တရားမဝင် ဝင်ရောက်လာသူတွေကို စိစစ်ဖော် ထုတ်နိုင်ခြင်းမရှိသေးတဲ့အတွက် ဒေသခံတွေရဲ့ စိုးရိမ်ပူပန်မှုတွေကို အရင်ဆုံး လိုက်လျောဖြေရှင်းပေးဖို့ ကြေငြာချက်ထုတ်ပြန်တောင်းဆိုတာဖြစ်ကြောင်း ဘူးသီးတောင်မြို့နယ် ရခိုင်လူမှုကွန်ယက်က ဦးအောင်ကိုကိုက ပြောပါတယ်။

စက်တင်ဘာ ၂၆ ရက်နေ့စွဲနဲ့ထုတ်ပြန်တဲ့ ကြေငြာချက်ထဲမှာ မြေပုံမြို့နယ်မှာ ၁၉၈၂ ခုနှစ် မြန်မာနိုင်ငံသား ဥပဒေနဲ့ စိစစ်ဆောင်ရွက်ခဲ့ရာမှာ ဥပဒေနဲ့ညီညွတ်မှုမရှိတာကြောင့် နိုင်ငံသား ဖြစ်ခွင့်ရသူနဲ့ နိုင်ငံသားပြုခွင့်ရသူတွေကို ကန့်ကွက်ကြောင်း၊ အရင်က ဘင်္ဂလီ လူမျိုးတွေကို မှားယွင်းစွာ ထုတ်ပေးခဲ့တဲ့ နိုင်ငံသားသက်သေခံကဒ်ပြားတွေကို ၁၉၈၂ ခုနှစ် မြန်မာနိုင်ငံသားဥပဒေနဲ့ ညီမညီစိစစ်ပေးဖို့၊ ကမန်လူမျိုးအမည်နဲ့ နိုင်ငံသားစိစစ်ရေးကဒ်ရရှိထားသူတွေကိုလည်း ကမန်လူမျိုးအစစ် အမှန်ဟုတ်မဟုတ် စိစစ်ပေးဖို့၊ ၁၉၈၂ ခုနှစ်မြန်မာနိုင်ငံသားဥပဒေကို သွေဖယ်ပြီး နိုင်ငံသားစီစစ်ရေး ကဒ်ရရှိထားသူနဲ့ ကဒ်ရရှိအောင်အားပေးကူညီသူတွေကို ဥပဒေအရ အရေးယူပေးဖို့၊ စတဲ့အချက်တွေအပါအဝင် အချက် ၉ ချက်ပါရှိပါတယ်။

ဒီကြေငြာချက်ကို မြို၊ ခမီး၊ ဒိုင်းနက် စတဲ့ တိုင်းရင်းသားတွေအပါအဝင် သံဃာတော်တွေနဲ့ မြို့ပေါ် လူမှုအဖွဲ့အစည်း ၈ ခုက စုပေါင်းထုတ်ပြန်ခဲ့တာဖြစ်ပြီး သမ္မတ ဦးသိန်းစိန်အပါအဝင် ရခိုင်ပြည်နယ် အစိုးရနဲ့ သက်ဆိုင်ရာ ဝန်ကြီးဌာနတွေကို ပေးပို့သွားမယ်လို့လည်း သိရပါတယ်။

RFA Burmese
https://www.facebook.com/pages/RFA-Burmese/39218993127?fref=nf

Read More